Question

Minta tolong dong tugas bahasa sunda, 1. jentrekeun naon nu disebut biantara?

Answer 1

Biantara, atawa dina basa Indonesia disebut pidato, nyaeta nepikeun hiji cacaritaan atawa kedalan, di hareupeun jalma loba, anu disusun rapih tur merenah, boh dina suasana anu resmi boh dina suasana anu teu resmi. Biantara miboga sifat monologis, nyaeta nepikeun cacaritaan anu ngan saukur saarah.

Biantara biasana direspon ku pala hadirin teh ku ngan saukur angguk, gogodeg atawa keprok. Tapi sanajan kitu, dina hiji biantara anu teu resmi mah kadang-kadang suasanana leuwih bebas, kadang aya hadirin anu seuseurian umpama dina eta biantara aya cacaritaan anu pikaseurieun. Struktur sacara umum dina hiji biantara nyaeta bubuka, eusi, kacindekan atawa kasimpulan, jeung panutup. Hiji biantara ngabogaan sababaraha tujuan atawa maksud, nyaeta :

1. Mere informasi atawa pamahaman ka batur - Biantara Informatif.
2. Mangaruhan batur sangkan daek milu kana kahayang anu nepikeun biantara - Biantara Persuasif.
3. Ngayakinkeun ka batur ngeunaan hiji perkara atawa pasualan - Biantara Argumentatif.
4. Ngagambarkeun ka batur ngeunaan hiji kaayaan - Biantara Deskriptif.
5. Nyieun batur jadi gumbira - Biantara Rekreatif.

Sedengkeun dina nyieun jeung nepikeun hiji biantara, aya sababaraha lengkah penting anu perlu dilakonan, nyaeta :

1. Dina milih topik, usahakeun pilih topik anu ku urang dipikaresep, pilih topik anu urang apal, jeung pilih topik anu matak kataji hadirin.
2. Susun teks biantara jeung apalkeun eusina.
3. Terapkeun unsur anu disebut unsur TAMAN, nyaeta Tatag dina nyaritana, Aktual dina temana, Munel dina eusina, Alus dina basana, jeung Ngandung wirahma.
4. Anu terakhir, usahakeun supaya eusi biantara ulah nepi ka panjang teuing.