Question

Jieun kalimah maké kecap kecap dihandap.Nepi ka jelas bédanana dina hal tatakrama basa!
a.Saré
b.Mondok
c.Kulem



#bantuin ya

Answer 1

Kategori Soal : Bahasa Sunda - Hormat Ka Kolot Jeung Ngajen Sasama
Kelas : - (SMP)
Pembahasan :

Dina basa Sunda aya dua ragam basa, nyaeta ragam basa hormat atawa lemes jeung ragam basa loma atawa kasar. Ragam basa hormat atawa lemes biasa digunakeun pikeun nyarita jeung anu saluhureun atawa jeung anu dipikahormat. Sedengkeun ragam basa loma atawa kasar biasa digunakeun pikeun nyarita jeung babaturan sasama atawa sahandapeun anu geus loma.

Dina ragam basa hormat atawa lemes aya dua rupa basa hormat atawa lemes, nyaeta basa hormat atawa lemes pikeun ka sorangan, sasama atawa sahandapeun, jeung basa hormat atawa lemes pikeun ka batur anu saluhureun atawa anu dipikahormat. Kecap sare digunakeun dina ragam basa loma atawa kasar, kecap mondok digunakeun dina basa hormat atawa lemes pikeun ka sorangan, sasama atawa sahandapeun.

Sedengkeun kecap kulem digunakeun dina basa hormat atawa lemes pikeun ka batur saluhureun atawa anu dipikahormat. Di handap ieu nyaeta conto kalimah basa Sunda anu ngagunakeun kecap sare, mondok jeung kulem :

1. Kuring rek sare heula nepi ka jam 13.00 (kalimah kasar)

2. Abdi kamari mondok tabuh salapan wengi (kalimah hormat atawa lemes pikeun ka sorangan)

3. Pun bapa nuju kulem di kamar (kalimah hormat atawa lemes pikeun ka batur nu saluhureun)

Katangtuan anu ngatur atawa nu aya patalina jeung ragam basa Sunda sok disebut Tatakrama Basa Sunda. Baheula mah dina basa Sunda aya nepi ka dalapan ragam basa, nyaeta genep mangrupa ragam basa lemes jeung dua mangrupa ragam basa loma atawa kasar.

Harita mah katangtuan anu ngatur ragam basa Sunda teh disebutna Undak-usuk Basa Sunda. Tapi kiwari istilah Undak-usuk Basa Sunda geus sacara resmi diganti ku Tatakrama Basa Sunda. Salian ti eta, kiwari oge sacara resmi dina basa Sunda ngan saukur aya dua ragam basa.