Question

Jieun kalimah maké kecap kecap dihandap.Nepi ka jelas bédanana dina hal tatakrama basa!
a.Saré
b.Mondok
c.Kulem



#bantuin ya

Answer 1

Kategori Soal : Bahasa Sunda - Tatakrama Basa Sunda

Kelas : - (SMP)

Pembahasan :

Dina basa Sunda aya dua ragam basa nyaeta Ragam Basa Hormat / Lemes jeung Ragam Basa Loma. Dina Ragam Basa Hormat / Lemes aya dua ragam basa lemes nyaeta basa lemes keur ka sorangan jeung basa lemes keur ka batur anu saluhureun atawa nu dipikahormat. Kecap sare mangrupa kecap loma, kecap mondok diasa digunakeun dina ragam basa lemes keur ka sorangan, sedengkeun kecap kulem biasa digunakeun dina ragam basa lemes keur ka batur saluhureun atawa nu dipikahormat. Di handap ieu conto kalimah nu ngagunakeun kecap sare, mondok jeung kulem :

a. Udin keur sare dina samak (ragam basa loma)

b. Simkuring wengi mondok di bumi pun lanceuk (ragam basa hormat / lemes keur ka sorangan)

c. Pun lanceuk nuju kulem di kamar payun (ragm basa hormat / lemes keur ka batur anu saluhureun atawa nu dipikahormat)

Ragam Basa Hormat / Lemes biasa digunakeun pikeun nyarita jeng jalma anu saluhureun atawa anu dipikahormat. Sedengkeun Ragam Basa Loma biasa digunakeun pikeun nyarita jeung babaturan atawa sahandapeun anu geus akrab. Aturan atawa katangtuan anu ngatur ragam basa Sunda disebut Tatakrama Basa Sunda.

Baheula mah dina basa Sunda teh kungsi aya nepi ka dalapan ragam basa, nyaeta genep ragam basa lemes jeung dua ragam basa loma atawa kasar. Katangtuan anu ngatur ragam basa Sunda harita mah disebut Undak-usuk Basa Sunda. Tapi kiwari istilah Undak-usuk Basa Sunda teh geus diganti jadi Tatakrama Basa Sunda. Salian ti eta, dina Tatakrama Basa Sunda mah ngan aya dua ragam basa, saperti nu dijentrekeun di luhur.

Kata Kunci : Tatakrama Basa Sunda, sare, mondok, kulem