Contoh pidato bahasa jawa sambutan ketua panitia pensi
ATWJung
Pentas Seni Mengeti Hari Pendhidhikan Nasional Bapak, Ibu Guru ingkang tuhu kinurmatan. Saha rencang-rencang SD Latsari 1 ingkang minulya. Keparenga kula badhe matur wonten ngarsa panjenengan sami. Minangka ketua panitia, kula munjukaken puji sukur wonten ing ngarsanipun Gusti Ingkang Murbeng Gesang. Inggih namung saking kanikmatan lan nugrahanipun kula panjenengan ing wekdhal punika tebih saking lir sambikala lan saged makempal wonten ing aula punika saperlu sami mersani acara Pentas Seni SD Latsari 1. Kula ngaturaken panuwun ingkang tanpa pepindhan dhumateng sadaya kemawon ingkang kersa paring pambiyantu amrih kaleksananipun pentas seni punika. Kanthi punika panitia saged rumaos saya antheng lan rancos anggenipun nindakaken acara. Mugi-mugi sadaya amal kesaenan rencang-rencang sadaya sami pikantuk piwelas ingkang langkung kathah. Kula sepindhah malih tansah nyuwun donga pangestu Bapak/Ibu Guru dalah rencang-rencang sadaya supados acara pentas seni tahun 2013 punika saged kaleksanan kanthi sae. Mugi-mugi salajengipun saged ngrembaka dados acara ingkang nguri-uri kabudayan dalah pendidikan kreativitas siswa. Salajengipun mbok bilih wonten kekirangan ingkang saged ndadosaken kirang renaning penggalih mugi kersa paring pangapunten. Wasana mugi keparenga ndumungaken lelenggahan kanthi mardikaning penggalih. Mardika Indonesia! Sukses SD Latsari 1. Nyantelke kupat ana ing para. Wonten lepat nyuwun ngapura
1 votes
Thanks 1