Question

1.pengertian carpon dengan bahasa sunda
2. menyebutkan unsur unsur carpon+ pengertian nya dengan bahasa sunda
INGAT DENGAN BAHASA SUNDA YA

Answer 1

Carpon atawa carita pondok, mangrupakeun karya sastra wangun lancaran atawa prosa. Carpon teh kaasup karya sastra wangun prosa modern. Conto karya sastra wangun prosa modern lianna nyaeta saperti novel. Sedengkeun conto karya sastra wangun prosa buhun nyaeta saperti dongeng jeung carita wayang. Carpon disebut carita pondok sabab eusi caritana relatif leuwih pondok umpama dibandingkeun jeung carita nu aya dina novel. Carpon mangrupa carita rekaan anu eusina bisa carita nyata atawa hayal.

Unsur unsur nu aya dina carpon nyaeta unsur intrinsik jeung unsur ekstrinsik. Unsur-unsur intrinsik anu aya dina hiji carpon nyaeta tema, latar, galur, tokoh, watak tokoh, amanat, sudut pandang jeung gaya basa. Dihandap ieu dijentrekeun unsur-unsur intrinsik nu aya dina hiji carpon :

1. Unsur tema, mangrupakeun gagasan, pikiran atawa ide utama anu jadi dasar eusi carita nu aya dina carpon. Tema mangrupakeun jiwa ti sakabeh bagian carita nu aya dina carpon. Umpama ditilik tina cara nepikeunana, aya tema anu ditepikeun ku sacara tersurat atawa sacara jelas jeung ku sacara tersirat atawa sacara samar-samar.

2. Unsur latar, mangrupakeun sagala pitunjuk atawa katerangan anu aya kaitanana jeung waktu, suasana, ruang, jeung situasi kajadian hiji peristiwa nua aya dina carpon. Aya tilu unsur anu dianggap poko nu aya dina latar, nyaeta latar waktu, latar tempat, jeung latar suasana.

3. Unsur galur, mangrupakeun runtuyan carita anu diwangun ku tahapan-tahapan kajadian anu aya nepi ka ngabentuk hiji carita dina carpon.

4. Unsur tokoh, mangrupakeun jalma-jalma nu dicaritakeun jeung loba mawa peran dina carpon. Tokoh dibagi jadi tilu rupa, protagonis nyaeta anu jadi tokoh utama, antagonis nyaeta anu jadi tokoh penentang atawa lawanna tokoh utama, jeung tritagonis nyaeta anu jadi Penengah antara tokoh utama jeung tokoh lawan.

5. Unsur watak tokoh, mangrupakeun unsur anu ngagambarkeun karakter atawa watak tokoh nu bisa ditilik tina tilu segi nyaeta : dialog tokoh, penjelasan tokoh sarta penggambaran fisik tokoh.

6. Unsur amanat, mangrupakeun pasualan, perkara, pesan atawa nasehat anu rek ditepikeun ku pangarang liwat carpon.

7. Unsur sudut pandang, mangrupakan hiji cara mandang dina ngahadirkeun tokoh-tokoh nu aya dina carpon ku nempatkan posisi diri pangarang dina hiji posisi anu ditangtukeun.

8. Unsur gaya basa, mangrupakeun hiji teknik dina ngolah basa anu dilakukeun ku pangarang dina raraga ngahasilkeun carpon anu hirup jeung endah.

Sedengkeun unsur-unsur ekstrinsik nu aya dina carpon nyaeta unsur-unsur ti luar anu mangaruhan kana eusi carita nu aya dina hiji carpon. Unsur ekstrinsik nu mangaruhan eusi carita nu aya dina carpon nyaeta saperti nilai budaya, sosial, politik, adat istiadat, jeung agama.