Question

Tentukeun Purwakanti kawih es lilin

Answer 1

Verified answer

Kategori Soal : Bahasa Sunda - Kawih
Kelas : - (SD)
Pembahasan :

Purwakanati nyaeta padeukeutna sora engang antara kekecapan anu dina rumpaka hiji puisi. Aya dua rupa purwakanti, nyaeta purwakanti rantayan jeung purwakanti runtuyan. Purwakanti rantayan nyaeta purwakanti antar kekecapan anu aya dina hiji padalisan puisi. Sedengkeun purwanti runtuyan nyaeta purwkanati antar kekecapan anu aya dina antar padalisan anu aya dina hiji puisi.

Salian ti istilah purwakanti, dina puisi Sunda aya oge istilah anu disebut guru lagu. Guru lagu nyaeta sora engang tungtung anu aya dina unggal padalisan. Sanajan purwakanti henteu sarua jeung guru lagu, tapi tina guru lagu bisa ditangtukan atawa ditilik naha kekecapan anu aya murwakanti atawa henteu.

Nilik kana rumpaka kawih Es Lilin di handap, Guru lagu kawih Es Lilin nyaeta (o,i,a,i), (u,i,u,i), (i,a,i,a), (a,a,a,a), (i,a,i,a). Sedegkeun umpama ditilik tina purwakantina, dina kawih Es Lilin ngan aya purwakanti runtuyan. Kekecapan anu murwakanti dina kawih Es Lilin nyaeta saperti kecap sukajadi jeung ngajadi, kecap Bandung jeung bararingung, kecap cipaganti jeung ngajadi, kecap munding jeung teuing, kecap saputangan jeung jungjunan, kecap dikalapaan jeung bina, paduduaan, kamana-mana, kecap kincir jeung pikir, jeung kecap bulan jeung sabulan.

Salian dina antar kekecapan anu aya dina unggal tungtung padalisan, dina antar kekecapan anu aya dina unggal awal atawa tengan padalisan oge aya anu murwakanti, saperti kecap lilin murwakanti jeung kecap isin, kecap dunungan jeung dunungan, sara kecap kaler jeung paler.

Es LiLin

Es lilin mah didorong-dorong
dibantun mah dibantun ka Sukajadi
abdi isin dunungan samar kaduga
sok inggis mah aduh henteu ngajadi

Es lilin mah ceuceu buatan Bandung
dicandak mah geuning ka Cipaganti
abdi isin jungjunan duh bararingung
sok inggis mah aduh henteu ngajadi

Itu saha dunungan nu nungtun munding
digantelan geuning ku saputangan
itu saha dunungan ku ginding teuing
sing horeng mah aduh geuning jungjunan

Es lilin mah ceuceu dikalapaan
raosna mah geuningan kabina-bina
abdi alim dunungan paduduaan
sok sieun mah dibantun kamana-mana

Kamana mah geuningan ngaitkeun kincir
ka kaler mah ka kaler katojo bulan
kamana mah dunungan ngaitkeun pikir
moal paler geuningan da ku sabulan