Question

Teangan paling saeutik 5 kecap nu hartina ngalegaan jeung nu ngaheureutan sarta larapkeun kana kalimah !

Answer 1

Kecap nu hartina ngalegaan nyaeta kecap anu hartina ngalegaan tina kecap asalna. Saperti kecap bapa anu harti asalna nyaeta "bapa kandung", tapi ayeuna hartina jadi ngalegaan, kecap bapa ayeuna digunakeun pikeun nyebut atawa manggil ka lalaki anu sapantar jeung "bapa kandung" atawa nu dipikahormat. Kitu oge kecap ibu, akang, emang/mang jeung bibi. Conto kalimah anu ngagunakeun kecap nu ngalegaan :

1. Bapa guru nuju nyerat di papan tulis.
2. Ibu guru parantos sumping dikelas.
3. Dupi akang teh saha jenengananan ?.
4. Mang dupi ieu sabaraha pangaosna ?.
5. Upami teu lepat mah bibi teh nu kamari ngicalan lauk nya ?.

Kecap anu hartina ngaheureutan nyaeta kecap anu hartina ngaheureutan tina kecap asalna. Saperti kecap ustadz anu asalna tina basa Arab anu hartina guru, tapi di Indonesia hartina jadi ngaheureutan jadi "guru agama", padahal bisa wae guru kimia oge disebut "ustadz kimia", tapi di Indonesia henteu lazim. Kitu oge kecap sarjana, gerombolan, okunum, jeung motor hartina jadi ngaheureutan.

Sarjana nu harti asalna nyaeta jalma anu elmuna luhur, ngaheureutan hartina jadi lulusan perguruan tinggi. Gerombolan anu harti asalna nyaeta kumpulan  jalma ngaheureutan hartina jadi kumpulan jalma nu kurang alus atawa jahat. Oknum anu harti asalna nyaeta hiji individu ngaheureutan hartina jadi individu nu kalakuanna teu alus atawa jahat. Motor anu hartina mesin anu ngagunakeun motor (saperti mobil jeung sapeda motor) ngaheureutan hartina jadi ngan saukur sapeda motor. Conto kalimah anu ngagunakeun kecap anu ngaheureutan :

1. Ustadz anu bade masihan ceramah agama parantos sumping.
2. Andi ayeuna mah geus jadi sarjana ekonomi sanggeus kamari diwisuda di perguruan tinggi.
3. Anu berwajib ayeuna geus nangkepan gerombolan anu hirupna di leuweung.
4. Anu ngalakukeunana mah sabenerna ngan saukur oknum, tapi anu tanggungjawabna jadi sarerea.
5. Budi ka sakolana teh tumpak motor.