Question

Sebutkeun jeung jelaskeun teknik nyieun biantara

Answer 1

Ditilik tina kaayaan atawa kondisina, aya dua rupa biantara nyaeta :

1. Biantara anu ngadadak atawa biantara anu tampa persiapan, nyaeta biantara anu dilakukeun tampa persipan, biantara anu ngan saukur ngandelkeun kana pangalaman jeung wawasan. Biantara tampa persiapan biasana dilakukeun dina acara anu teu resmi, tapi sakapeung aya oge dina acara anu resmi.

2. Biantara anu nu make persiapan, nyaeta biantara anu dilakukeun make naskah, boh diapalkeun boh dibaca. Biantara anu make persiapan biasana dilakukeun dina acara anu resmi.

Cara nyieun jeung nepikeun biantara, utamana pikeun biantara anu make persiapan :

1. Pilih topik anu merenah, nyaeta saperti topik anu urang apal, topik anu dipikaresep ku urang, sarta topik anu matak kataji pala hadirin.

2. Susun teks biantara jeung apalkeun eusina, boh nepikeunana dibaca boh henteu, ku ngestokeun unsur TAMAN, nyaeta :

a. Tatag dina nyaritana, henteu karagok atawa ngarandeg dina nyaritana.
b. Aktual dina temana, ulah tema anu geus basi.
c. Munel dina eusina, kudu loba mangpaatna atawa loba pulungeunana.
d. Alus dina basana, saperti ngagunakeun mamanis basa.
e. Ngandung wirahma, omongan kudu diatur gancang launna, tarik alonna, atawa luhur handapna atawa sok disebut lentong.

3. Biantara anu ditepikeun ulah panjang teuing.

Sedengkeun pikeun biantara anu ngadadak, umumna bisa dumasar kana teknik atawa cara di luhur bari dibarengan ku improvisasi sarta ngandelkeun pangalaman jeung wawasan masing-masing anu ngalakukeun hiji biantara.