Question

Ngaran kaolahan anu bahanna tina bungbuahan??
Please jawab ya....Bwt lusa nih>:)

Answer 1

Bungbuahan mangrupakeun rupa kadaharan anu biasana gancang buruk umpama henteu diolah atawa diawetkeun. Umpama hiji bungbuahan henteu diolah atawa henteu diawetkeun sering eta bungbuahan teh umpama diingkeun lila jadi buruk terusna jadi tara kaarah atawa teu bisa didahar. Jadi bungbuahan teh mangrupakeun hiji rupa kadaharan anu paling sering diolah atawa diawetkeun.

Ampir unggal rupa bungbuahan bisa diolah atawa diawetkeun, boh dijadikeun manisan boh dijadikeun dodol atawa kiripik jeung selai. Malahan aya oge bungbuhan anu dijadikeun bahan tambahan pikeun nyieun kueh, nyaeta saperti "fruit cake" jeung sajabana ti eta.

Jadi conto ngaran kaolahan anu bahanna tina bungbuahan nyaeta saperti manisan buah (ari buah teh dina basa Indonesia mah disebutna teh mangga), manisan kadongdong, manisan salak, kiripik cau, dodol sirsak, kiripik nangka. Malahan di Bandung mah salian ti goreng pisang oge, aya goreng nanas atawa ganas jeung goreng nangka sagala.

Masih loba deui rupa bungbuahan anu sok dijieun kaolahan, malahan aya oge bungbuahan anu sok dijieun inuman, sirop atawa juice, saperti anggur, buah, sirsak, jambu, leci, jeruk, rambutan jeung sajabana ti eta. Umpama di nagara Arab oge aya bungbuahan anu disale saperti cau di urang, nyaeta buah kurma.

Salian ti buahna, malahan aya oge kaolahan anu dijeun tina cangkang bungbuahan, saperti tina cangkang jeruk, eta kaolahan teh disebutna nyaeta kalua cangkang jeruk. Jadi loba pisan kaolahan anu bahanna tina bungbuhan, sabab hampir unggal rupa bungbuahan biasana bisa dijieun kaolahan, malahan kadu atawa duren oge bisa dijieun kaolahan.