Question

Ngalarapkeun kecap kana kalimah!!
-Sasakala
-Panjugjugan
-Paniisan
-Pangbebeurah
-Panyinglan
-Sungkawa
-Ngabedega
-Agreng
-Sigrong
-Patapaan
-Seweu siwi
-Meusuh
-Lemah cai
-Kajojo

Answer 1

1. Sasakala hartina dongeng asal muasal. Conto kalimahna : Tokoh Sangkuriang teh ayana dina dongeng sasakala Gunung Tangkuban Parahu.
2. Panjugjugan hartina tempat anu dijugjug atawa dituju. Conto kalimahna : Lembang teh ti baheula nepi ka kiwari jadi panjugjugan wisatawan ti mana mana.
3. Paniisan hartina tempat pikeun niis atawa istirahat. Conto kalimahna : Daerah Lembang mah negunah pikeun paniisan.
4. Pangbeberah hartina panghibur. Conto kalimahna : Hayu urang ulin ka Lembang pikeun pangbeberah hate anu keur sedih.
5. Panyinglar hartina anu matak miceun bala, kasusahan atawa kapeurih. Conto kalimahna : Hayu urang jalan-jalan ka pasar pikeun panyinglar sungkawa manah.
6. Sungkawa hartina sedih. Conto kalimahna : Simkuring ngiring bela sungkawa, hapunten teu acan tiasa nepangan.
7. Ngabedega hartina jalma gede nangtung bari ngahalangan. Conto kalimahna : Eta jalma teh jangkung gede, kumisan, ngabadega ngahalangan unggal jalma anu rek asup.
8. Agreng hartina gede tur endah. Conto kalimahna : Eta Jang Amir teh ari pagaweannana di kota mah ngan saukur babantu ka ditu ka dieu wungkul, tapi ari imahna di lemburna mah agreng.
9. Sigrong hartina gede jeung mewah. Conto kalimahna : Ma'lum Jang Budi mah pangusaha gede, imahna oge sigrong.
10. Patapaan tempat pikeun tapa atawa bersemedi. Conto kalimahna : Ceunah ceuk beja, eta tempat anu hieum teh baheulana mah tempat patapaan raja-raja.
11. Seweu siwi hartina silsilah katurunan. Conto kalimahna : Tembong Agung jeung Sancang Eta sarua keneh mangrupakeun rundayan seuweu-siwi Galuh Pakuan.
12. Mesuh hartina meresihan. Conto kalimahna : Hayu urang mesuh diri meresihan pikir, sugan wae urang teh bisa manggihan solusi dina nyanghareupan masalah ieu.
13. Lemah cai hartina tanah air, lembur. Conto kalimahna : Sanajan geus lila di nagara deungeun, ari ka lemah cai mah tetep wae inget.
14. Kajojo hartina kamashur atawa terkenal. Conto kalimahna : Toko sapatu Pinter mah tos kajojo ka mana-mana.