Question

Naon sababna guguritan teh sasat kagolongan kana wangun puisi?

#yg tau jawabannya, jawab secepatnya ya :)

Answer 1

Dina widang sastra umumna dikenal dua rupa wangun karya sastra, nyaeta anu disebut wangun lancaran atawa prosa jeung wangun ugeran atawa puisi. Conto karya sastra Sunda wangun lancaran atawa prosa nyaeta saperti carpon, novel, dongeng jeung carita wayang. Sedengkeun conto karya sastra Sunda wangun ugeran atawa puisi nyaeta saperti wawacan, carita pantun, sisindiran, mantra, guguritan, sajak jeung kawih.

Umpama ditilik tina kekecapan atawa rumpakana, aya dua rupa puisi Sunda, nyaeta puisi anu kaiket ku aturan jeung puisi anu henteu kaiket ku aturan. Wawacan jeung guguritan nyaeta puisi Sunda anu kaiket ku aturan pupuh. Aturan nu aya dina pupuh disebut guru lagu jeung guru wilangan. Kusabab guguritan kaiket ku guru lagu jeung guru wilangan nu aya dina pupuh, guguritan teh kaasup kana wangun puisi, khususnya wangun puisi Sunda.