Question

Naon hartina di bandung mungpung sarta heurin ku tangtung teh?

Answer 1

Kekecapan bandung mungpung jeung heurin ku tangtung aya dina hiji kawih anu judulna "Bandung". Umpama ditilik tina rumpakana, kawih nyaeta wangun puisi Sunda anu henteu kaiket ku aturan, saperti aturan anu aya dina pupuh. Sanajan kawih teu kaiket ku aturan, dina kawih aya unsur-unsur anu bisa digunakeun pikeun nilik atawa nganalisa eusi hiji kawih.

Unsur-unsur anu aya dina kawih nyaeta tema atawa jejer, nada jeung suasana, rasa, sarta amanat. Tema atawa jejer nyaeta gagasan poko anu rek ditepikeun ku pangarang kawih. Nada jeung suasana nyaeta sikep pangarang kana kawih anu dijeunna. Rasa nyaeta ngeunaan hal-hal anu ngajiwaan eusi kawih. Sedengkaun amanat nyaeta maksud anu hayang ditepikeun ku pangarang pangarang kawih.

Di handap ieu hiji pada dina rumpaka kawih Bandung anu ngabogaan kekecapan "bandung mungpung". Umpama ditilik tina kekecapan anu aya dina pada kawih Bandung di handap, anu dimaksud ke "bandung mungpung" nyaeta yen di kota Bandung teh jalma-jalam ti kampung jadi mungpung, mungpung aya di Bandung eta jalma ti kampung teh nyalindung pikeun ngaleungitkeun sagala kasusah jeung kasedih.

Di Bandung mungpung
jalma ti kampung
Kota pinuh pangungsi
nu sumalindung
Bandung!.. Bandung!
Pangbeberah nu nandang wuyung

Sedengkeun di handap ieu hiji pada dina rumpaka kawih Bandung anu ngabogaan kekecapan "heurin ku tangtung". Umpama ditilik tina kekecapan anu aya dina pada kawih Bandung di handap, anu dimaksud ke "heurin ku tangtung" nyaeta yen di kota Bandung anu dikuriling ku gunung teh "heurin ku tangtung". Heurin ku tangtung teh hartina penduduk kota Bandung teh geus pinuh, nepi ka ceuk paribasa mah nangtung oge heurin.

Dilingkung gunung
Heurin ku tangtung
Poseur kota nu mulya
Parahyangan
Bandung! Bandung!
Pada muru dijarugjugan