Question

Cik kumaha kira-kirana lamun jalma teu boga tatakrama ?
( Coba gimana kira-kiranya apabila orang ga punya sopan santun ? )
jawab ya

Answer 1

Dina basa Sunda aya nu disebut Tatakrama Basa Sunda. Saacan istilah Tatakrama Basa Sunda sacara resmi digunakeun, dina basa Sunda istilah Tatakrama Basa Sunda teh disebutna Undak-usuk Basa Sunda. Dina undak usuk basa Sunda kungsi nepi ka ya dalapan tingkatan basa Sunda, nyaeta genep tingkatan basa Sunda lemes jeung dua tingkatann basa Sunda kasar atawa loma.

Ayana tingkatan basa atawa undak usuk basa Sunda di daerah Sunda sabenerna mah mangrupakeun pangaruh ti karajaan Islam Mataram anu kungsi ngawasa di daerah Sunda, kecuali daerah Banten anu henteu kungsi dikuasai ku karajaan Islam Mataram. Kusabab kitu, di daerah Banten mah henteu pati dipikawanoh undak usuk basa Sunda. Jadi sabenerna mah lemes atawa kasarna basa teh relatif.

Tapi kiwari istilah undak-usuk basa Sunda geus sacara resmi diganti ku Tatakrama Basa Sunda. Ceunah eta istilah undak usuk basa diganti jadi Tatakrama Basa Sunda teh, sabab istilah undak usuk basa teh kesanna leuwih feodal. Dina Tatakrama Basa Sunda aya dua ragam basa, nyaeta anu disebut Ragam Basa Hormat / Lemes jeung Ragam Basa Loma.

Ragam Basa Hormat biasa digunakeun pikeun nyarita jeung anu saluhureun atawa anu dipikahormat. Sedengkeun Ragam Basa Loma biasa diguankeun pikeun nyarita jeung babaturan anu geus akrab atawa loma. Sanajan didaerah Sunda Banten teu pati dipikawanoh Tatakrama Basa Sunda, tapi geus sacara resmi eta Tatakrama Basa Sunda ditangtukeun jeung kudu dijadikeun padoman pikeun urang Sunda.

Sanajan tatakrama teh henteu ngan saukur basa wungkul, umpama urang Sunda henteu ngagunakeun basana henteu merenah saperti anu ditangtukeun dina Tatakrama Basa Sunda, tangtu hubungan antar sasama jadi kurang harmonis, bisa timbul salah sangka jeung salah persepsi. Kusabab kitu penting pisan pikeun urang mikawanoh kana tatakrama nu aya jeung berlaku di masarakat.