Question

Cik jieun guguritan tina patokan pupuh kinanti: 8-u , 8-i , 8-a , 8-i , 8-a , 8-i !

Answer 1

Guguritan nyaeta wangun puisi Sunda anu kaiket ku aturan. Aturan anu ngiket guguritan nyaeta aturan atawa patokan pupuh. Patokan nu aya dina pupuh disebutna "guru lagu" jeung "guru wilangan". Puisi lianna anu kaiket ku aturan pupuh nyaeta saperti wawacan.

Wawacan nyaeta puisi Sunda anu eusina mangrupa carita. Sedengkeun guguritan nyaeta puisi Sunda anu eusina henteu mangrupa carita. Conto puisi Sunda lianna anu eusina mangrupa carita nyaeta saperti carita pantun. Sedengkeun conto puisi Sunda lianna anu eusina henteu mangrupa carita nyaeta saperti mantra, sisindiran, sajak, jeung kawih.

Dina pupuh aya 17 rupa aturan atawa patokan. Patokan nu aya dina pupuh eta dibagi jadi dua kelompok, nyaeta anu disebut Sekar Ageung jeung Sekar Alit. Dina Sekar Ageung aya opat rupa patokaan pupuh. Sedengkeun dina Sekar Alit aya 13 rupa patokan pupuh. Pupuh Kinanti kaasup kana kelompok pupuh Sekar Ageung.

Guru lagu jeung guru wilangan pupuh Kinanti nyaeta 8-u, 8-i, 8-a, 8-i, 8-a, 8-i. Watek atawa karakteristik nu aya dina pupuh Kinanti nyaeta ngagambarkeun rasa nungguan, deudeupeun atawa rasa kanyaah. Di handap ieu conto guguritan anu ngagunakeun patokan pupuh Kinanti, anu judulna Nunggu Panggih Jeung Manehna :

Nunggu Panggih Jeung Manehna

Sanajan ge kudu nunggu (8-u),
karasa bungah di ati (8-i),
teu aya rasa guligah (8-a),
nu aya bungah jeung seuri (8-i),
nunggu panggih jeung manehna (8-a),
geus lila kaimpi-impi (8-i).