Question

Bahasa sunda
kecap sabalikna dari
-alus
-hirup
-panjang
-poek
-begang

Answer 1

Kecap sabalikna tina alus nyaeta goreng. Kecap goreng dina basa Sunda ngabogaan dua harti nyaeta kecap goreng nu sabalikna tina kecap alus jeung goreng nu aya dina kecap "ngagoreng". Hayam nu digoreng dina basa Sunda mah disebutna goreng hayam, sarua saperti goreng cau atawa seupan cau, sedengkeun dina basa Indonesia mah hayam nu digoreng teh disebutna ayam goreng, sarua saperti pisang goreng atawa pisang kukus. Tapi beuki kadieunakeun, mungkin ku ayana pangaruh tina basa Indonesia, loba urang Sunda nu nyebut hayam nu digoreng teh jadi hayam goreng, padahal hayam goreng bisa hartina jadi "hayam nu teu alus". 

Kecap sabalikna tina hirup nyaeta paeh atawa maot. Kecap hirup bisa dipake pikeun barang atawa mahluk hirup, saperti "mesin hirup" atawa "jalma hirup". Kecap paeh oge bisa dipake pikeun barang atawa mahluk hirup, saperti "mesin paeh" atawa "jalma paeh". Sedengkeun kecap "maot" biasana ngan saukur dipake pikeun mahluk hirup wungkul, jarang dipake pikeun barang, saperti "mesin maot" jarang dipake.

Kecap sabalikna tina panjang nyaeta péndék atawa pondok. Dina basa Sunda kecap péndék jeung kecap pendék beda. Kecap péndék nyaeta kecap sabalikna tina kecap panjang, sedengkeun kecap pendék nyaeta kecap sabalikna tina kecap jangkung.

Kecap sabalikna tina poek nyaeta caang. Kecap sabalikna tina begang nyaeta lintuh atawa kecap halusna bayuhyuh.