Question

1). kaulinan barudak téh kabagi dua cing sebutkeun naon waé? terus béré conto masing-masing hiji!
2). Naon nu dimaksud kaulinan di handap! jelaskeun!
a. Jajangkungan
b. Sondah
c. Anjang-anjangan
3). béré 2 conto kaulinan barudak nu aya di daérah hidep!
4). Cing naon hartina cingcangkeling nurutkeun Pancaniti?
5). sebutkeun 3 jenis kaulinan barudak nu bisa dimaénkeun ku lalaki oge ku awéwé!

Answer 1

1. Kaulinan barudak Sunda dibagi dua, nyaeta kaulinan anu make alat jeung kaulinan anu henteu make alat tapi ngan saukur dibarengan ku kakawihan. Conto kaulinan anu make alat nyaeta saperti maen gatrik. Sedengkeun kaulinan anu henteu make alat nayeta saperti Tokecang.

2. Sababaraha rupa kaulinan barudak Sunda :

a. Jajangkungan atawa sok disebut oge egrang, nayeta hiji kaulinan anu ngagunakeun awi dua anu make panincakan sangkan jalma anu make egrang eta bisa jadi jangkung.
b. Sondah nyaeta hiji kaulinan anu maenkeunana ku cara engkle-engklean make ngaliwatan kalang anu kotak-kotak. Dina ngalakukeun engkle-engklean, aya kotak anu ditandaan ku batu anu teu meunang ditincak.
c. Anjang-anjangan nyata kaulinan barudak anu niru atawa nyapertikeun jalma anu geus ngabogaan rumah-tangga. Dina eta kaulinan teh aya anu jadi bapa, ibu, anak, tatangga. Aya oge warung, toko, pasar jeung sajabana. Biasana kaulinan Anjang-anjangan teh dilakukeun nu barudak awewe. Tapi umpama aya budak lalaki anu miluan biasana sok dijadikeun bapa.

3. Conto kaulinan barudak anu aya di daerah kuring saperti Ucing-ucingan jeung Galah Asin.

4. Pancaniti harina lima tahapan. Singgetna, jalma atawa manusia dina hirupna ngalaman lima tahapan atawa pancaniti, nyaeta alam roh, alam garba, alam dunya, alam barzah jeung alam akherat. Umpama ditilik tina rumpakana, kakawihan Cingcangkeling sabenerna ngagambarkeun sababaraha tahapan anu aya dina Pancaniti. Cingcangekling manuk Cingkleng, manuk bisa ngagambarkeun hate, hate anu bisa ngapung ka mana-mana. Hate bisa lurak-lirik ka mana-mana, hate anu bisa lurak-lirik ka mana-mana kudu dina kaayaan tenang. Umpama hate geus tenang, hate bisa asup kana kolong langit, blos ka kolong, manggihan dunya. Umpama hate geus tenang, hiji jalma bisa meunangkeun dunya, hartina dunya anu pinuh ku rahmat jeung barokah. Eta penjelasan kekecapan nu aya dina rumpaka kakawihan Cingcangkeling anu luyu jeung Pancaniti, sanajan eusi kakawihan Cingcangkeling ngan saukur nepi ka tahapan anu ka tilu, nyaeta alam dunya.

5. Kaulinan barudak anu bisa dimaenkeun ku lalaki jeung awewe nyaeta saperti galah, ucing-ucingan jeung sasalimpetan.