1. goleko tembung saroja, entar, garba, kawi cacahe 5 tuladha sak tegese saben tembung! (Tembung garba sak tembung asale)
2. Goleko paribasan, bebasan, saloka cacahe 3 sak tegese
JANGAN ASAL, YG BENER GW KASIH JAWABAN TERBAIK
2. Goleko paribasan, bebasan, saloka cacahe 3 sak tegese
JANGAN ASAL, YG BENER GW KASIH JAWABAN TERBAIK
Jawaban dan Pembahasan
1.
☞ Tembung saroja
» tembung loro meh padha utawa padha tegese digunakake bebarengan, kanggo mbangetake.
—☆ Tuladha :
✧ Gemah ripah → subur makmur.
✧ Raja kaya → kewan sing diopeni/ingon-ingon.
✧ Andhap asor → ora ngantonake keluwihane (rendah hati).
✧ Peteng ndhedhet → peteng banget.
✧ Tahu tempe → panganan tahu lan tempe.
☞ Tembung entar
» tembung kang duwe teges ora salugune, utawa teges silihan.
—☆ Tuladha :
✧ Adus kringet → nyambut gawe rekasa banget.
✧ Dawa tangane → seneng nyolong.
✧ Idu geni → omongane manjur, tansah kaleksanan.
✧ Jembar segarane → sugih pangapura, sabar.
✧ Mogel ilate → mangan sing sarwa enak.
✧ Bening atine → sumeh (murah senyum).
☞ Tembung garba
» rerangkene tembung kanthi nyekak ketemune aksara swara, kang gunane kanggo nyekak/nyuda guru wilangan ing geguritan.
—☆ Tuladha :
✧ Aneng → ana + ing
✧ Dupyarsa → dupi + arsa
✧ Jiwangga → jiwa + angga
✧ Maharsi → maha + resi
✧ Jalwestri → jalu + estri
☞ Tembung kawi
» tetembungan kuna kang cak-cakane winates ana ing basa endah, lumrahe digunakake ana pewayangan.
—☆ Tuladha :
✧ Bagaskara → srengenge
✧ Kalpa → kaya
✧ Kingkin → sedhih
✧ Lirwa → sembrana
✧ Nir → ilang
✧ Praja → negara
2.
☞ Paribasan
» Unen-unen sing ajeg panganggone, ngemu surasa wantah.
—☆ Tuladha :
1. Kebat kliwat, gancang pincang.
✧Tegese : tumindak kanthi kesusu, asile ora bakal maremake.
2. Anak polah bapak kepradhah.
✧Tegese : tingkah polahe anak dadi tanggung jawabe wong tuwane.
3. Adigang, adigung, adiguna.
✧Tegese : ngendhalekake kekuwatane, keluhurane, lan kepinterane.
☞ Bebasan
» Unen-unen sing ajeg panganggone, duwe teges pepindhan, sing dipindhakake utawa dibandhingake kahanan lan ulah-kridhane manungsa.
—☆ Tuladha :
1. Nglungguhi klasa gumelar.
✧Tegese : mung kari nemu penake.
2. Suduk gunting tatu loro
✧Tegese : tumindak ora bener pisan, njalari kapitunan (kerugian) rong werna.
3. Nututi layangan pedhot.
✧Tegese : mburu barang sepele sing asile ora sumbut karo rekasane.
☞ Saloka
» Unen-unen sing ajeg panganggone, duwe teges pepindhan, sing dipindhakake utawa dibandhingake wonge.
—☆ Tuladha :
1. Asu belang kalung wang.
✧Tegese : wong asor nanging sugih bandha donya.
2. Cebol nggayuh lintang.
✧Tegese : wong mlarat nduwe gegayuhan (kekarepan) sing mokal kasembadan.
3. Kacang ora ninggal lanjaran.
✧Tegese : sipate anak ora beda adoh karo sipate wong tuwa.
» DETAIL JAWABAN «
Mapel : Bahasa Jawa
Kelas : 7
Materi : Piwulang
Kata Kunci : Entar, saroja, garba, kawi, paribasan, bebasan, saloka
Kode Soal : 13
Kode Kategorisasi : 7.13
-----------------------------
Semoga membantu.