Question

Sebutkeun salah sahiji conto kawih sejenna salian ti bandung lembang jeung isola??

Answer 1

Kawih nyaeta salahsahiji rupa lalaguan Sunda. Aya sawatara rupa lalaguan Sunda, nyaeta anu disebut kawih, kakawihan jeung tembang. Umpama ditilik tina rumpakana, kawih, kakawihan jeung tembang oge mangrupakeun karya sastra wangun puisi. Kawih jeung kakawihan mangrupakeun wangun puisi anu henteu pati kaiket ku aturan. Sedengkeun tembang mangrupakeun wangun puisi anu kaiket ku aturan, nyaeta aturan pupuh. Aturan anu aya dina pupuh disebutna guru lagu jeung guru wilangan.

Lalaguan Bandung Lembang jeung Isola kaasup kana lalaguan rupa kawih. Aya sawatara kawih lianna salian ti kawih Bandung Lembang jeung Isola, nyaeta saperti kawih anu judulna Mobil Butut. Di handap ieu rumpaka kawih Mobil Butut:

Mobil Butut

Mobil butut kaluaran baheula
Sajaman jeung bedil sundut harita
Ayeunamah mobil butut geus carang
Nambangan ge di kota ge geus di larang

Dut durut dut dut
Mobil maju na ngidul
mogok di jalan radiatorna ngebul
Kenekna turun nyiuk cai di solokan
Mobilna nginum jiga kebo di mandian

Rumpaka anu aya dina kawih Mobil Butut diluhur, umpama ditilik, kekecapanana henteu kaiket ku aturan, saperti sajak. Kawih henteu saperti tembang anu kaiket ku guru lagu jeung guru wilangan. Sanajan kawih henteu kaiket ku guru lagu jeung guru wilangan, dina nyieun rumpaka kawih aya sawatara unsur anu kudu diperhatikeun, nyaeta saperti unsur tema, suasana, imaji, simbol, pilihan kecap anu merenah tur endah saperti anu ngadung wirahma, murwakanti jeung gaya basa.