Question

Naon bedana surat dinas jeung surat pribadi

Answer 1

Surat pribadi mangrupakeun surat anu dikirimkeun jeung ditampa antar pribadi. Boh anu ngirimkeun atawa anu narima lain mangrupakeun kantor atawa organisasi, tapi papada urang (pribadi). Contona surat ti kolot, ti babaturan, atawa ti kabogoh. Basa nu dipake teu aya pakemna, gumantung kana situasi, bisa make basa sunda kasar atawa lemes. Serat ti budak ka kolotna sakuduna make basa lemes, sedengkeun surat papada babaturan bisa make basa sunda anu biasa.

 

Surat dines dikirim ku lembaga atawa kantor ka lembaga atawa kantor sejen atawa ka pribadi. Contona, surat ti sakola ka wali murid atawa ti kantor pamarentah ka wargana. Surat ti pribadi ka lembaga atawa kantor oge bisa kaasup surat dines. Contona, surat ti warga ka kapala desa/lurah ngeunaan urusan dines. Surat dines bisa mangrupakeun parentah atawa bewara ti hiji kantor/lembaga ka pribadi atawa ka kantor/lembaga sejen atawa sabaliknya. Basa anu dipake kudu basa anu resmi. Kusabab urang mangrupakeun warga negara Indonesia, surat resmi atawa dines biasana ditulis dina bahasa Indonesia anu baku. Surat dines dina praktekna cacarangan ditulis ngagunakeun basa Sunda.

 

Singetna, surat dines pasti aya sangkut-pautna jeung kantor atawa lembaga organisasi, sedengkeun surat pribadi dikirimkeun jeung ditampa ku papada urang. Surat dines basana resmi, sedengkeun surat pribadi bisa make basa Sunda anu lemes, biasa, atawa kasar, gumantung kana kaayaan.