Question

Naon anu disebut karangan carpon teh? naon wae ciri-cirina?

Answer 1

Carita pondok atawa disingkat carpon, nyaeta karya sastra anu miboga wangun lancaran atawa sok disebut prosa. Carpon kaasup kana karya sastra prosa modern. Karya sastra dina wangun prosa modern lianna nyaeta carita novel. Salian ti prosa modern, aya oge anu disebut prosa buhun. Conto karya sastra dina wangun prosa buhun nyaeta dongeng jeung carita wayang.

Carpon kaasup atawa sok disebut carita pondok sabab eusi caritana anu leuwih pondok dibandingkeun jeung novel. Carpon mangrupa carita rekaan anu eusina bisa carita nyata atawa hayal. Carpon, saperti oge dongeng atawa novel, ngabogaan unsur-unsur anu disebut unsur intrinsik jeung unsur ekstrinsik.

Unsur-unsur intrinsik nu aya dina carpon nyaeta tema, latar, galur, tokoh, watak tokoh, amanat, sudut pandang jeung gaya basa. Sedengkeun unsur-unsur ekstrinsik nu aya dina carpon nyaeta unsur-unsur ti luar anu bisa mangaruhan eusi hiji carpon, saperti nilai budaya, sosial, politik, adat istiadat, jeung agama. Ciri-ciri salengkepna tina carpon nyaeta :

1. Carita nu aya dina carpon biasana ngabogaan eusi anu mangrupa carita khayal atawa carita nyata.
2. Anu nulis carpon biasana jelas, henteu siga anu nulis dongeng.
3. Carpon kaasup kana prosa modern.
4. Carita nu aya dina carpon biasana mangrupa carita anu rakyat sentris, realistis, bahan caritana dicokot tina kahirupan nu aya di rakyat sakitar, sarta biasana dipangaruhan ku sastra barat.
5. Eusi carita dina carpon temana biasana leuwih bebas, carpon oge ngabogaan sifat anu dinamis.
6. Palaku anu aya dina carpon biasana palakuna ngan jelema wungkul, henteu dina dongeng anu caritana bisa naon wae, saperti tutuwuhan, sato atawa barang sejenna.
7. Carita anu aya dina carpon biasana logis sarta realistis.