Question

Contoh pachelaton bahasa jawa

Answer 1

AREP APIK MALAH DADI MEMALA            
   Dina Kemis esuk, bocah-bocah padha arep mangkat sekolah. Bocah-bocah kuwi mau padha ngampiri kancane, jenenge Tuti. Tuti lagi salin , padahal wis jam setengah pitu.
Nindya, Rigma,  : “Tuti!Tuti! ayo mangkat sekolah. Mengko ndak kawanan!”
Tuti                        : “Yo dilit...aku lagi salin...!!!!!”
Rigma                    : “Cepet! Tak tunggu.”
                Saking suwene, Tuti ditinggal karo kancane...
Iyan                       : “Tuti kok suwe banget tho, tinggal wae yo?”
Nindya                  : “Youwis lah..”
Rigma                    : “Ayo!”
                Sawise salin, Tuti metu saka omahe. Jebule, kanca-kancane wis ora ana. Tuti mlayu nututi kanca-kancane.
Tuti                        : “Eh.. kok do ninggal aku e? Aku durung dandan iki.”
Nindya                  : “Lha.. kowe suwe banget e..”
Tuti                        : “Aku mau esuk tangi kawanan, amerga nonton tv tekan mbengi. Tunggu dilit, aku                                     arep njipuk pupur ning tas ku ndisik.”
Iyan                       : “Malah pupuran.. mengko tiba tak sukurke lho!”
Nindya                  : “Ayo lek uwis, wis meh telat ki lho.”
Rigma                    : “Tut, nek mlaku ki ndelokke dalan, ora pupuran terus, wis ayu kok!”
Tuti                        : “Rupa-rupaku, pupur-pupurku, masalah nggo kowe?”
Rigma                    : “Sakkarepmu lah... ning nek mengko tiba, aku wis ngilingke lho.”
                Ujug-ujuk, klusud, glayar-glayar, brek, prak gedebuk! Tuti tiba, amerga kesandung watu.
Tuti                        : “Adduuuuuuhhh.........”
Iyan                       : “Lha... lak tenan to.. kapok ora?”
Rigma                    : “Sing tak omong mau tenan to?”
Nindya                  : “Mulakno, mlaku kuwi ora sambi dandan, dadi ngono tho akibate.”
Rigma                    : “Nek wis ngerti ngono, ojo dibaleni meneh.”
Tuti                        : “Iyo...iyo... aku kapok saiki, aku ra arep mbaleni meneh.”Nindya,Rigma,   : “Tenan lho??”IyanTuti                        : “Iyo...iyo...”Nindya, Rigma, : “Karepe arep apik malah dadi memala! Tuti...Tuti...!!!”Iyan
                Untung wae Tuti ora lara. Bocah-bocah mau banjur nglanjutke mlaku ning sekolah. “Karepe arep apik malah dadi memala”.

Answer 2

                                           GAMELAN
Siwi      :"Mbah kakung,kula badhe nyuwun pirsa."
Simbah :"Arep takon apa nduk,kok nyela-nyela?"
Siwi      :"Kala wingi kula mirengaken wayang pinuju goro-goro."
Simbah :"Kepiye goro-gorone?"
Siwi      :"Petruk kok nembang mekaten :
              Brambang sasen lima
              Berjuwang kanggo negara

              Brambang sasen telu
              Berjuwang kanggo bangsaku
             punika tembang punapa, mbah?"
Simbah :"O,kuwi ta.Kuwi jenenge parikan.Parikan kuwi padha karo pantun ."
Siwi      :"Punapa parikan punika wonten paugeranipun mbah?"
Simbah :"Ana.Parikan kuwi duwe paugeran guru gatra lan guru swara utawa                    purwakanthi.Nanging, uga anasing mung nganggo purwakanthi."
Siwi      :"Inggih mbah.Sampun cetha,matur nuwun."
Simbah :"Ya,sinaune sing sregep ya,supaya wasis !"